A actividade de mobilidade propón acudir ao colexio camiñando, pedaleando ou compartindo coche.
Moi relacionado co proxecto de mobilidade, no Filomena Dato tamén están inmersos noutro que ten como finalidade mellorar os estilos de vida saudables e promover a actividade física, así como evitar o sendentarismo. Por segundo ano consecutivo participan nunha campaña europea eficaz e divertida, dirixida a estudantes de Primaria e de último curso de Infantil. Denomínase Xogo da Serpe e promove formas de mobilidade sostible no acceso ai colexio como: camiñar, pedalear, utilizar transporte público ou compartir coche.
Como recoñecemento polo ben que se fixo o curso pasado e pola traxectoria do centro neste xogo, o Filomena Dato foi seleccionado con máis centros para poder optar a un premio a nivel nacional. O pasado 31 de xaneiro visitounos a responsable do xogo en España, Marta Román Rivas.
