Cartas al director

Ledicia para Celanova, para Ourense e para Galiza

Saúdo ós benqueridos e lembrados celanoveses, ourensáns e galegos todos. Deixádeme decirlles que eu nacín en Acebedo, xa fai ben tempo, no Outeiro, a menos de dous kilómetros de Xamirás, da casa de San Faustino Míguez. Nacín 25 anos despois do seu pasamento, pero na miña memoria persisten, moitas, moitas lembranzas dun neno pequeno, entre elas alguna referencia a don Faustino Miguez, do que transmito unha cousa que me dixeron -sendo un cativo da Escola de nenos de Prados, a de don José María Troitiño-, que don Faustino era un home “bo e moi listo”.

Hoxe, no Vaticano, a Súa Santidade o Papa Francisco declara santo a aquel home “bo e listo”. É por eso que desde África, onde me atopo, no quixera deixar pasar este día de ledicia para todos sen lembrame desta data.

Non sei de nengún veciño vivo das Terras de Celanova que aínda que sexa de moita edade se lembre daquel home bo de Xamiras, pero coido que cando eu vin a este mundo, con certeza, moitos daqueles vecinos que acordei e dos que me lembro, poderían tele coñecido e mesmo tratado, antes da súa partida para terras madrileñas. Desde Castromao, Hermide, O Mesón, Cavadoiro, San Cibrao, Xamirás, As Lamas, O Casal, Cerdedo, O Cruceiro, Chousas, O Pazo, Vilaverde, O Terrado, Prados, A Cobela, o Quinteiro, O Tellado, o Outeiro, Trasmiras, Albos e A Cigarrosa, de Milmanda, Santa Eufemia, San Martiño, Carracedo o Carballo, o Miranzo e outros lugares do meu antigo e querido concello de Acebedo do Río, veciños e hoxe felizmente pertencentes á Celanova dos Poetas, á miña Celanova de San Rosendo, da Banda de Música e do meu Sporting que levo no meu corazón , aquí, en África.

Coa miña lembranza especial a don Emerio (hoxe diríamos párroco emérito daquel San Xurxo de Acebedo) que sei que está ledo de xeito especial. A meus veciñoos e amigos, tristemente cada vez menos, coa lebranza de todos e cada un daqueles que faltan. Saúdos ós meus veciños do meu Concello de Celanova e a todos os que compoñen “Terras de Celanova”, ós que lle toca parte desta ledicia tamén, ós que foron a Roma, a Pablo, Montero descendentede familia de San Faustino, ós seus país, xa difuntos Luis e Pilar, que me acolleron tantas veces na súa casa, a do nacemento de San Faustino Míguez, moitas veces, como se fose a miña propia. Para ti Pablo, testemuña daquel home “bo e listo”, dende hoxe santo, outra aperta ben sentida.

A todos, ¡moitas felicidades!