Non fai falla ser moi intelixente para ver que, logo da baixa participación nas eleccións (só votaron 3.172 inscritos dos máis de 25.000) que se celebraron o pasado día 25 de Outubro nesta formación, co fin de elixir ao novo secretario/a xeral en Galicia, queda claro que a xente está máis que farta, de que desde Madrid, siga mandando o sr. Iglesias, e como di aquela rancheira “E a miña palabra é a lei”. Os meus respectos á sra. Carolina Bescansa, o motivo, moi fácil: polo menos deixou claro que se vai e non quedará a chupar do bote, como fan os estómagos agradecidos colocados en lugares estratéxicos, como sempre polo líder supremo dende Madrid, mellor dito dende o búnker, que agora ten, nos arredores da capital.
O certo é que eu fun un de tantos que vin a Podemos como unha esperanza, dado que os políticos/as deste país, deixan moito que desexar, motivos sobran: corrupción, mentiras, falsas promesas e unha infinidade de cousas que seguramente faría falla un libro enteiro para poñer todos. Aproveito a ocasión para dicir que as famosas Mareas (En Marea) seguen o mesmo rumbo, Villares, cada día máis cuestionado, mentras o sector crítico aumenta cada día que pasa.
A reflexión é, onde van ir tódolos votos que perderán Podemos e as Mareas?, eu sinceramente penso que ao BNG (Bloque Nacionalista Galego), que nas pasadas eleccións galegas, moitos apostaron a que desaparecería do mapa político, máis non foi así. A nova secretaria Ana Pontón, sorpresa, sacou 6 deputados/ as, quizais está vez volva dobrar os escanos. Unha cousa está clara, Feijóo volverá ser presidente outra vez e con está xa serán tres.