Escolares de cinco anos traballaron nun proxecto centrado na artista mexicana co que aprenderon moitas cousas de interés
A profesora María José, xunto aos seus alumnos e alumnas de Infantil, do colexio Padre Feijoo Zorelle de Ourense participaron nunha apaixonante actividade. "¡Viva la vida!" foi o nome escollido para o proxecto sobre Frida Kahlo, a importante pintora e poetisa mexicana cunha intensa vida chea de cor, pero tamén do moita dor.
Esta actividade serviu para coñecela mellor, a súa dura infancia, as dotes para a pintura, a familia, o seu marido o pintor Diego Rivera e incluso a Casa Azul onde viviu. A figura da catrina mexicana que pintaba Diego Rivera e que se fixo tan famosa tamén se incluiu neste traballo, de feito fixeron algunhas para levar a casa e xogar coas cores e as flores.
Descubriron e analizaron os cadros da artista, autorretratos e naturezas con cores algres e vivas. O que máis chamou a atención dos escolares foi a súa positiva filosofía de vida, tanto foi así que os inspirou á hora de pensar no título do proxecto: "¡Viva la vida!".