¿Dónde estoy?  > O Ribeiro

A CIG presentou unha denuncia ante a inspección de traballo pola ‘lamentábel situación na que están os traballadores do Obradoiro Abobriga promovido polo Concello de Ribadavia’, sinalan os sindicalistas. Consideran que se viola a normativa vixente en materia de prevención de riscos laborais, ‘poñendo en perigo a integridade física dos traballadores’.

Según a CIG, no obradoiro, ‘non se está a respectar a lexislación vixente en materia de prevención de riscos laborais e se obvian moitas medidas básicas de protección da saúde’. Nese senso, refírese ‘os equipos de protección individual ou non existen ou son de baixa calidade’.

Por outra banda, matizan que ‘os traballadores non dispoñen de botas de seguridade anticorte cando están a utilizar motoserras ou desbrozadoras e tampouco se dispoñen de cascos que protexan do ruido cando se utilizan as máquinas’. Ademais, os sindicalistas tamén apuntan que o obradoiro non dispón de medios de extinción de incendios.

O concelleiro

O concelleiro de Persoal, Ignacio Gómez, declarou que non lle consta que ningún traballador presentase denuncia e que ‘non temos ningún problema en que veñan os inspectores porque non temos nada que ocultar’. Nese senso, engadiu que ‘non sabemos que intereses hai en contra do obradoiro, xa que este Concello pode ter erros na seguridade pero sempre que se detectaron correxíronse’. Asemade, apuntou que ‘xa lles gustaría a moitos concellos dispor do plan de seguridade e hixiene no traballo co que contamos’.