¿Dónde estoy?  > O Carballiño

Os veciños das parroquias carballiñesas de San Fiz de Barón e Partovia dispoñen dende onte de sinal para a recepción da Televisión Dixital Terrestre (TDT), tra-la instalación dunha antena reemisora perto da localidade de Casansedo, na parroquia de Banga. O alcalde do municipio, Carlos Montes, indicou que 'decidiuse finalmente por un cambio na ubicación do poste, xa que con anterioridade estaba na zona de O Corval, en Sagra, e xa había problemas de cobertura cando a televisión tiña soporte analóxico'.

Os traballos de colocación da antena e dos equipos de telecomunicacións supuxeron un investimento de 35.000 euros, que foi incluido polo Concello do Carballiño nos proxectos do Plan E. Carlos Montes apuntou que, 'con este proxecto, practicamente quedan cubertas ó 100% aquelas áreas do municipio que tiñan problemas ó sintonizar a TDT, como xa foi o caso da zona sur do casco urbán, que agora recibe o sinal dun poste instalado no monte de A Pena, en Señorín'.

O alcalde carballiñés engadiu que 'nestes intres, tan só faltan os veciños de Godás do Río e Ponterriza, na parroquia de Longoseiros, pero nesa zona haberá que pensar noutra solución técnica, coma é a da colocación de antenas parabólicas con enlace de satélite'.