¿Dónde estoy?  > Galicia

As bonecas non falarán en galego, polo menos a curto plazo, segundo dixo onte no Parlamento a secretaria xeral de Política Lingüística (PSOE), Marisol López, respostando a unha pregunta do deputado do BNG Bieito Lobeira. A razón estriba na ’fría recep tividade por parte da industria xogueteira’, que reclama a venda dun determinado número de xoguetes para asumir a petición. Lobeira apuntou que a resposta amosa unha discriminación hacia Galicia, xa que as bonecas sí que falan en castelán e catalán.

A secretaria xeral de Política Lingüística, Marisol López, descartou onte que os bonecos ’falen en galego’ a curto prazo debido á ’receptividade fría’ da industria por un motivo de ’tipo económico’, xa que esixe garantías ’de que se vai facer unha compra importante’ deste tipo de xoguetes.

En resposta a unha pregunta oral do Grupo do BNG na Comisión de Educación e Cultura, a secretaria xeral recalcou que ’a curto prazo non se ve un cambio importante na situación’ e trasladou a ’dificultade de intervención pública’ no sector ante a ’esixencia’ dos fabricantes de ’garantir se en Galicia se vai facer unha compra dun número importante de bonecas’.

’E algo que un poder público non pode garantir’, aseverou Marisol López, que precisou que ’a Secretería Xeral non pode comprar bonecas’. Así, indicou que fai ano e medio o seu departamento iniciou contactos con empresas xugueteiras para ’transmitir o interese de que as bonecas falen galego’.

Neste sentido, a secretaria xeral de Política Lingüística mostrou a disposición da Xunta a ’seguir mantendo contactos’ coa industria para ’trasladar de modo insistente as inquedanzas ante a súa postura ríxida’. Deste modo, avogou por ’estimular a creación de nova demanda e incidir nunha maior sensibilización da oferta’.

Así mesmo, López destacou que, no marco do traballo do Goberno galego para promover o uso do galego, a principios do mes de abril será presentada a versión en galego do sistema operativo ’Windows Vista’ e o programa informático ’Office 2007’, con corrector en galego. Tamén comentou que ’está a punto de saír’ o corrector en galego para o sistema operativo Macintosh de Apple co obxectivo de responder a ’unha necesidade urxente para a cidadanía que usa Mac’.