A admiración de José Luis Garci polo cine americano dos anos de ouro era xa palpable desde os seus mozos tempos de crítico cinematográfico. Non obstante, nas súas primeiras películas como director (“Materia pendente”, “Sós na madrugada”, “As verdes pradarías”), inspirouse máis na comedia es- pañola “da terceira vía” (aquela que quería mesturar calida- de e recadación), da que foi un dos creadores para ref lectir circunstancias e personaxes daquela España da transición.
Foi en “O Crack” (1981) onde se propuxo render tributo a aquel admirado cine norteamericano, e en concreto ó xé- nero policiaco. A película está dedicada a Dashiell Hammett, e a súa continuación, “O Crack dous”, rodada dous anos máis tarde baixo o impulso do gran éxito da primeira, foille dedica- da a Raymond Chandler, o que supón toda unha declaración de intencións. O resumo de tal risco en “O Crack” cualificárono nun xornal como “unha das películas máis logradas de José Luis Garci, na que conseguiu hispanizar todas as referencias da serie negra estadounidense. Aínda que ten algúns excesos melodramáticos, “O Crack” é un filme brillante e memorable, un camiño que debería percorrer máis veces o cine nacional”.
Garci roda nesta película o Madrid dos billares e os tugu- rios, o das cafetarías da Porta do Sol, sabendo recrear esta cidade cun ambiente áspero pero tamén nostálxico. O seu detective Germán Areta, que está labrado coa mesma pasta que os heroes de Chandler ou de Hammett, é un xenuíno tipo duro que neste caso almorza carajillos. Así pois, Garci rendeu- lle tributo ó cine negro norteamericano pero sen abandonar as súas raíces. “O Crack” é ese exemplo de cine decididamente comercial, cos pros e contras que cada cal pode opoñerlle a esta decisión, correctamente realizado e feito con pracer.
Houbo unanimidade en aplaudir a interpretación de Alfredo Landa no papel dese detective, antes policía, que se autodefine con humor dicindo “son un tipo duro e solitario que trata de sobrevivir nunha so- ciedade podre facendo un tra- ballo sucio. “O Crack” é un bo filme español.
