Por qué pós os pés no asiento do bus, pregunteille a un rapaz adolescente. Il, enteiro e cheo de razón, respostoume: isto é público.
Esa foi a contestación que recibín daquel mozo que viaxaba no servizo público. O certo é que nada me extraña de que hoxe, moitos adolescentes, contesten o mesmo ou algo semellante. Pois, na sociedade que vivimos, cecais por erros de todos, descoidamos transmitirlle o valor das cousas que lle damos e especialmente o custe de todo aquelo que forma parte do mobiliario urbano e os servizos públicos que disfrutamos todos.
Isto é publico, e como é de todos, pensan os máis cativos e adolescentes, que non custa cartos e que os servizos existen porque si. Polo que parece que a día de hoxe, ninguén lles dixo que, dos impostos que pagamos, sae todo aquelo do que disfrutamos e disfrutan eles tamén.
Algo semellante acontece con isas mans invisibles que enlaman portas e fachadas facendo garabatos que, algúns pensan que son obras de arte. E iste asunto lévame a outra constestación que me deu un veciño da cidade. Díxome o individuo: facer unha pintada reivindicativa nunha fachada particular ou dunha institución é unha mostra de liberdade de expresión. Pois si, pero supoño que se lle pintaran con garabatos a fachada da súa casa igual mudaba de opinión.
Recentemente, nunha visita que fixen a unha cidade moi turistica de castela puden comprobar que nela non había nen unha soia pintada nin as sinais estaban cheas de grarabatos ou arrincadas. E axiña veume á mente o fermoso casco vello da nosa Auria e o resto da cidadade, pois está cheo de pintadas e garabatos, amosando un aspecto de deleixo que o desvaloriza.
Por iso sabedor dos custes económicos que implica para ás arcas públicas reparar os danos en mobiliario urbano que é desfeito a aposta polos mal chamados vándalos; ou eliminar as pintadas nas fachadas de pedra, etc. Fágo as seguintes preguntas: Que é o que falla na nosa sociedade e tamén nas institución para que todos os espazos de lecer, servizos públicos, mobiliario urbano, mal uso do que é de público, etc sexa tan mal tratado? Que fai falla pra que valoremos o que temos e tratemos de respetalo e conservalo mellor?
Posiblemente o primeiro erro veña porque aprezar, valorar e respectar as cousas publicas non se ensina no seo familiar e na escola dáselle pouca importancia ó que, noutro tempo, se chamou educación cívica. E por suposto, o máis grave, é a ausencia de vixiancia e sanción polas autoridades competentes destes actos. Menos mal que coa detención recente de dous pintafachadas pola Policia Local parece que se lle tenta pór freo a istes actos vandálicos..
Con todo, tamén sería moi importante que se publicitara o custe dos servizos e non so se publicitaran as gratuidades dos mesmos. E por último, para que as cousas se valoren máis, sería bo reflexionar se todo servizo público deber ter un mínimo custe económico para os cidadáns. Pois desa maneira a valoración social do mesmo cambia e mellora moito.
En fin, que moito temos que avanzar en civismo para semellarnos a unha sociedade respectuosa con todo o público. Pois de civismo andamos un chisco escasos.
