VIDA

Aprendendo e concienciando

A Aula da Natureza do río Miño acollerá durante os meses estivais unha manchea de actividades para a cativada, no marco dos campamentos de verán que organiza a concellería de Educación do Concello de Ourense. 
As actividades levadas a cabo neste espazo, dirixidas a alumnado de Primaria, tentan fomentar os aspectos relacionados co medio ambiente urbano, a través da sensibilización, formación e educación para achegar o coñecemento da realidade ambiental, no noso contorno. Preténdese ir creando unha maior conciencia ecolóxica para lograr cada día un maior equilibrio medio ambiental.