O salón multiusos Emilia Pardo Bazán do Edificio de Ferro acolleu a entrega de premios da III Olimpíada Galega de Historia, que se celebrou o pasado 29 de maio coa participación de 12 equipos, formados por 48 estudantes de Educación Secundaria Obrigatoria de Galicia e 12 titores e titoras.
A Olimpíada Galega de Historia naceu co obxectivo de fomentar a paixón polo coñecemento do pasado entre os máis novos e novas e destacar o aspecto lúdico da aprendizaxe da Historia e a posibilidade de empregar este sistema como elemento avaliador nas aulas de Ensino Secundario, entre outros.