VIDA

No País do vento todo pode suceder

A programación de "E no verán... refréscate coa cultura!" segue o seu curso en Barbadás. Desta, co parque dos Patos como marco, Charo Pita presentou o seu espectáculo “No País do vento".
No País do Vento nada queda quieto: os pés bailan, as saias xiran, as xentes brincan e moitas melodías e algunhas pequenas historias van buscando orellas que escoiten e labios que as cantaruxen para seguir vivas ao lombo das brisas e dos furacáns. Moitos son as personaxes que habitan este país de asubíos e airexas que, con moitas ganas de bailar e de gozar, van esgallando coas súas historias aos pouquiños este espectáculo.