O Centro Cultural Marcos Valcárcel acolle unha nova proposta expositiva: “Cara á estrema do eido”, do pintor, Fiz Valcárcel.
A mostra ofrece 50 pezas que recollen a traxectoria artística do pintor dende os anos 70 ate a actualidade. Fiz participou nos primeiros movementos das vangardas galegas, dende o ano 1974, pero posteriormente estivo moitos anos alonxado do panorama expositivo aínda que nunca deixou de pintar e, sobre todo, de debuxar. Deste xeito, a mostra recolle traballos datados entre 1974-1987 e as creación máis recentes, entre os anos 2014 e 2020. A mostra poderá visitarse ata o 10 de xaneiro.
