VIDA

Presentación do XXXV Premio de Poesía

O Claustro de San Francisco acolleu a presentación da obra gañadora do XXXV edición do Premio de Poesía Cidade de Ourense. Nesta ocasión foi a poeta Charo Lopes a autora da obra gañadora co seu poemario "Álbum". Un traballo do que o xurado destacou a súa estética clara e coherente onde na súa lectura, un vaise imaxinando as imaxes que recrea. En canto os temas tratados, salientan o autocuestionamento moi sincero da propia vida e da ética. O xurado elixiu esta obra por unanimidade e valorou moi positivamente a calidade de todas as persoas participantes.