Rebulir, baile e música coma nos vellos tempos

A Asociación Cultural Rebulir organizou a actividade "Verbena no Salón", unha iniciativa para que familias e grupos de amigos (co límite admitido) puidesen desfrutar desde os fogares dunha festa coa esencia das antigas verbenas e xuntanzas populares onde só facía falta un gaiteiro, unha acordeonista, unhas pandereteiras... para animar a velada.
Deste xeito, contaron co profesorado da Asociación Rebulir que interviron en directo animando a foliada e facendo que os participantes acompañasen con música e baile unha festa virtual á espera do momento de que todos se poidan xuntar en directo.