O corpo humano non ten segredos en Salesianos

En Salesianos realizan múltiples actividades para promover o coidado do corpo entre o seu alumnado. Deste xeito, os cativos de cuarto de Primaria estudaron a fondo o corpo humano, froito do cal realizaron orixinais maquetas recreando os distintos sistemas con plastilina e outros materiais de refugallo.

Mentres, os de segundo de Primaria levaron a cabo un traballo en grupos cooperativos sobre os alimentos, as substancias nutritivas que nos aportan e a pirámide alimenticia, que lles servíu para repasar a necesidade dunha alimentación saudable e completa. Unha actividade que axuda a tomar conciencia da alimentación e que permite traballar dende a motricidade fina ata a toma de decisións en grupo.