O colexio de Baños de Molgas vén de recuperar unha das súas actividades máis agardadas: o cursiño de natación que cada ano levaba ó alumnado ata a piscina de Allariz. A actividade, está desenvolvida polo centro en colaboración co Concello, a ANPA “A Burga” e Monbus.
Durante este curso, practicamente o 100% do alumnado do centro asistiu ao cursiño, dende os máis cativos, os pequechos de tres anos, ata os que están a piques de marchar para o instituto, levaron a cabo as xornadas de natación, impartidas polos monitores. A actividade ten unha gran acollida en toda a comunidade educativa; especialmente entre os máis pequenos, que deixan claro o a gusto que se senten cos seus amplos sorrisos.
