Espazo de xogo e ilusión en Salesianos
Os alumnos de Salesianos fan do recreo unha continuación das aulas, convertendo o campo de xogo nun lugar no que probar diferentes deportes, mellorar a psicomotricidade e explorar novas formas de diversión. Todos estes son os obxectivos dos “Recreos Activos”, unha proposta na que participan tódolos alumnos, cando menos dous días á semana, promovida polo profesorado de Educación Física.
Ganas de xogar e competir son a tónica dominante das actividades, que estes días -debido ás chuvias- teñen que trasladarse ó interior. Pero iso non é impedimento para que a diversión sexa a protagonista da proposta. Fútbol, hockey, saltos con aros, circuítos de obstáculos, coller o pano ou balón prisioneiro son algunhas das opcións que os alumnos teñen para escoller e participar nas diferentes competicións organizadas.
Todo isto coa misión de colocar a actividade física no lugar que merece na formación académica do alumnado mentres gozan de momentos de esparcemento implicados nunha vida saudable e coñecendo a gran variedade deportiva que existe.
Grandes e pequenos están moi ilusionado con este programa lúdico, que converte os recreos nun espazo de aprendizaxe e recárgalles as pilas para continuar coa xornada académica, polo que tamén redunda en beneficios para a súa concentración. A xogar!
