Xornal Escolar

O gran casino de Amencer

Os participantes do grupo ADS da asociación xuvenil Amencer non deixan de divertirse nas actividades programadas durante o curso. Nesta ocasión, as instalacións do colectivo convertéronse un gran casino cheo de festa e ilusión. Vestidos para unha ocasión especial, gozaron todos xuntos con diferentes xogos dentro deste casino tan especial. 

Ruleta, diana, jungle speed, terremoto, cubilete ou a carta máis alta foron algunhas das propostas, que remataron coa estrela dos casinos: un gran bingo! Todo o equipo do Casino quere agradecer a asistencia dos mozos e mozas, agardando que pasaran un bo día.

O grupo ADS de Amencer está orientado a rapaces e rapazas de idades comprendidas entre os 12 e os 14 anos. A vida deste colectivo xira arredor dun modelo, Domingo Savio, e do seu lema: “sempre ledos”. Sobre esta premisa, durante todo o curso o obxectivo da asociación xuvenil é o de crear grupos de amigos e amigas fomentando as relacións humanas a través de activides lúdicas e educativas que fomentan o espírito de equipo.

Deste xeito, cada semana desenvolven diferentes propostas, como poden ser aventuras e actividades de cociña, seguridade viaria, dinámicas de grupo, escape rooms, o xogo da democracia “Parlamento ADS”,  “Urbano Acampada” ou, como aconteceu nas últimas semanas, un gran casino.