Preparando un mural colaborativo en Baños de Molgas
O alumnado do CEIP de Baños de Molgas, xunto coas asociación de amas de casa e de mulleres rurais, promovido polo Concello, levaron a cabo unha actividade conxunta onsistente en pintar un dos muros do Parque Infantil recentemente inaugurado na vila. A idea era compartir un espazo e un tempo de activida de maiores e pequenos e ao mesmo tempo aproveitar a ocasión para ir preparando unha base de pintura, nunha das paredes do parque, para próximamente, o 25 de novembro, Día contra a violencia hacia a muller, continuar coa actividade e completar o mural pintado de cor violeta con debuxos e motivos relativos a dita conmemoración. A xornada finalizou cunha merenda de convivencia e xogo.