1
/
6
Os materiais que precisamos son: cartolina vermella, tres vasos de plástico ou de papel, un pauciño fino, dúas gomas, rotuladores, tesoiras e pegamento.
2
/
6
O primeiro paso será coller dous dos vasos e encaixar un dentro doutro. Para facelo terás que cortar o borde dun deles, de xeito que non quede espazo no fondo. Unha vez que os teñas, fai catro buratiños, coma se foran os puntos cardinais, a un centímetro aproximadamente do borde.
3
/
6
Se xa tes os buratiños ben feitos e atravesando polo mesmo punto os dous vasos, introduce as dúas gomas elásticas facendo unha cruz -como ves na imaxe-. Na parte de fóra e para que non escapen polos buratiños, pon un anaquiño dun pau. Se ves que o necesitas, podes poñerlle un puntiño de pegamento nas esquinas.
4
/
6
Chega a parte máis divertida da Lixoteca, esa que pon a proba a túa creatividade. Toca decorar! Nesta ocasión, a nosa catapulta vai ter forma de cohete espacial animado, así que unha idea é que lle debuxes unha simpática faciana. Pero aquí hai liberdade absoluta, así que podes colorealo ou decoralo como máis che guste.
5
/
6
Para que colla máis propulsión, imos colocarlle tamén un sombreiro. Facelo é moi sinxelo: cortas un círculo da cartolina vermella, recórtaslle un triángulo -coma se fora unha porción de pizza- e unes con pegamento para conseguir un cono. Canto máis ancho sexa o triángulo, máis picudo quedará o sombreiro.
6
/
6