Esta mostra recolle o relato documental que Ruth Matilda Anderson elaborou durante a súa viaxe de investigación en Galicia entre os anos 1924 e 1926 a instancias do fundador de The Hispanic Society of America, o filántropo e hispanista Archer Milton Huntington
O Concello de Xinzo, Abanca e Afundación asinaron onte un convenio de colaboración cultural polo cal as tres entidades desenvolverán a exposición "Unha mirada de antano: Fotografías de Ruth Matilda Anderson en Galicia". A sinatura estivo protagonizada polo alcalde de Xinzo, Antonio Pérez Rodríguez; o coordinador de negocio institucional en Ourense e Lugo de Abanca, Alberto López Sánchez; e a coordinadora de Afundación para Ourense e Lugo, Beatriz Fernández-Anguiano.
Esta mostra recolle o relato documental que Ruth Matilda Anderson elaborou durante a súa viaxe de investigación en Galicia entre os anos 1924 e 1926 a instancias do fundador de The Hispanic Society of America, o filántropo e hispanista Archer Milton Huntington. A devandita exposición, de entrada libre e gratuíta, poderase visitar en Xinzo de Limia entre o 19 de decembro e o 20 de xaneiro.
