Os integrantes da Agrupación Musical da Limia acudirán no verán á comunidade valenciá para participar no vindeiro mes de xullo no Certamen Internacional de Bandas de Música “Ciudad de Valencia”. Os limiaos participarán o día 14 do mencionado mes dentro da Sección Terceira do certame e xunto á Unión Musical Santa Cecilia Castellar-Oliveral (Valencia), a Unió Musical Centre Històric de València (Valencia), a Tolnai Ifjúsági Fúvószenekar Egyesület de Tolna (Hungría), a Asociación Cultural Banda de Música (Zamora), e a Sociedad Musical y Cultural San Blas de Teresa de Cofrentes (Valencia).
Serán, na súa totalidade, tres seccións -actuarán, por orde, os días 14, 15 e 16 de xullo- e a Sección de Honor, que o fará o 17 de xullo integrando á Unió Musical de Benaguasil (Valencia) e Ateneo Musical y de enseñanza Banda primitiva de Lliria (Valencia).
