O Bloque Nacionalista Galego de Trasmiras vén de denunciar públicamente o estado no que se atopan algunhas das beirarrúas do municipio. O grupo recibiu varios avisos por parte dos veciños do concello sobre o estado "intransitable" destes viais, e do resultado da pavimentación feita polo Concello de Trasmiras.
Concretamente, os nacionalistas criticaron a situación actual das beirarrúas que van dende a localidade ata Soutelo. Aseguran que están "abandonadas e cheas de herbas, follas, terra, apeiros e vigas de ferro" que algún veciño deixou na rúa, obstaculizando o paso do resto dos habitantes do municipio.
Por este motivo, reclamaron a retirada de todas estas "barreiras" e o acondicionamento e limpeza das mencionadas beirarrúas.
Por outra banda, o BNG de Trasmiras aproveitou para censurar a pavimentación levada a cabo dende o Concello no centro de Trasmiras, feita con "grava solta", concretamente, na zona da rúa de A Corredoira. Neste senso, subliñaron que logo desta actuación taparonse diferentes sumidoiros e que, en días de fortes choivas, esta situación podería ocasionar múltiples problemas ou inundacións.
O BNG denunciou recentemente o estado no que se atopaba o campo de fútbol, no que se chegaron a atopar xeringas. O Concello optou por pechalo.
