A formación estenderase este mércores dende as 10,30 horas ata as 12,10 horas, no instituto Lagoa de Antela de Xinzo
O Centro de Desenvolvemento Rural O Viso promoverá para este mércores, día 25 de abril, un obradoiro de elaboración de currículums enmarcado dentro do programa Ruralemprégate. Grazas a esta iniciativa, a entidade limiá forma e capacita a persoas desempregadas en habilidades, técnicas, e ferramentas para a busca activa de emprego. A formación estenderase dende as 10,30 horas ata as 12,10 horas, no instituto Lagoa de Antela de Xinzo.
Dende o CDR realizan habitualmente actividades para promover o emprego na comarca, como foi o caso do taller sobre habilidades sociais para buscar traballo que se celebrou o pasado martes, 17 de abril. Este programa especial está subvencionado pola Consellería de Política Social da Xunta.
