Festa e romaría para despedir o curso en Rebulir

A asociación cultural Rebulir despediu durante a tarde deste domingo o curso escolar a ritmo de festa. A súa tradicional "Romaría Rebuldeira" encheu o centro cultural do Picouto de música, baile e xogos populares. Ademais das actuacións de tódolos grupos do colectivo de Ramirás, contaron coa participación da agrupación "A Ponte Vella" de Teo e do Xisco Feijoo Trío, que se encargou de pechar a xornada, na que participaron membros de Rebulir, familiares e amigos.