EMPREGO

O IES Antioquía creará unha bolsa de emprego

O IES Antioquía de Xinzo de Limia vén de anunciar a súa intención de crear unha plataforma de Bolsa de Emprego para o centro.

O seu obxectivo é solicitar orzamento para o deseño e configuración técnica dunha plataforma que "funcione automáticamente para alumnos, empresas e outras entidades". 

Esta Bolsa de Emprego valerá para crear unha base de datos de compañías que solicitan titulados do centro, así como de alumnos que demandan ofertas de emprego.

Segundo sinala o centro educativo limián, a plataforma difundirase entre o alumnado dos últimos cursos dos ciclos que van dar paso ás titulacións, para que unha vez rematado o curso, se inclúan na bolsa canto antes. O IES comprométese, asemade, a facer seguimento de todos os alumnos demandantes de oportunidades profesionais no mercado laboral "ata que esta bolsa de emprego sexa coñecida e se convirta nun referente".

Te puede interesar