A casa da cultura de Sandiás acolleu esta semana unha charla informativa dirixida ao sector agrogandeiro e que xirou en torno ao contido da nova Política Agraria Común -PAC- do 2023. Na iniciativa participaron 30 veciños da zona, profesionais do campo.
Ao longo de catro horas, abordáronse os cambios que sufrirá a PAC que estará vixente durante catro anos, concretamente, durante o periodo comprendido entre os anos 2023 e o 2027. Do mesmo xeito, profundizouse nos requisitos necesarios e condicionantes a ter en conta para que estes profesionais poidan acceder a ditas axudas.
Tal e como recordaron dende o Concello de Sandiás, a Comisión Europea deu luz verde ao Plan Estratéxico da Política Agraria Común. Unha PAC que, segundo subliñaron dende o Goberno central, pretende ser “máis xusta, máis sostible e máis social”. A PAC tamén pon o foco nas ferramentas que se precisan para avanzar cara unha agricultura máis innovadora, dixital, e na que esté garantida o relevo xeneracional.
O obxectivo pasa porque a nova Política Agraria Común entre en vigor a partir do vindeiro 1 de xaneiro do 2023.
