O sorteo dos vales do comercio realizarase a partir das 20,30 horas, no recibidor da Casa da Cultura de Xinzo
A Asociación de Empresarios e Comerciantes da Comarca da Limia, Pro Limia, repartirá este venres varios cheques cun valor total de 1.550 euros entre todas as persoas que, durante o pasado Nadal, mercaron nos establecementos limiaos que participaron nesta campaña especial.
Ata o momento, hai recollidas máis de 1.000 tarxetas seladas e que optarán a estas dotacións económicas: un vale de 500 euros, outro de 200, tres de 100 e 10 de 50 euros. Con estes documentos poderán mercar de volta nos locais participantes.
O sorteo realizarase este venres, día 11 de xaneiro, a partir das 20,30 horas no recibidor da Casa da Cultura de Xinzo -praza de Carlos Casares-.
Segundo explicaron representantes da asociación limiá, os donos dos establecementos celebraron a participación da cidadanía nesta iniciativa que tivo por obxecto fundamental dinamizar o comercio local durante a pasada campaña de Nadal na vila do Entroido.
