Para esta contratación, a administración local de Sandiás percibiu unha subvención de 13.500 euros
O Concello de Sandiás ven de publicar as bases para a contratación de dous peóns de mantemento para os vindeiros nove meses. A oferta de emprego está enmarcada dentro do programa Aprol Rural 2017, promovido pola Consellería de Economía, Emprego e Industria en colaboración coas distintas entidades locais, e dirixido a persoas en risco de exclusión social. Para esta contratación, a administración local de Sandiás percibiu unha subvención de 13.500 euros.
Todas as persoas que desexen participar no proceso de selección deberán dirixirse ás oficinas do Concello e cumprir unha serie de requisitos, entre eles, ser maior de 16 anos e atoparse en situación de desemprego ademais de estar inscritas no Servizo Público de Emprego. Terán prioridade os menores de 30 anos, parados de longa duración ou con discapacidade.
