O rexidor local, Sindo Lamas, sinalou que varios veciños do concello están sendo sancionados pola Consellería con multas de ata 400 euros por sementar eucaliptos nestas áreas.
O goberno local de Sarreaus ven de rexistrar unha solicitude no Consistorio co obxectivo de instar á xefatura territorial da Consellería de Medio Rural a que organice unha xornada informativa sobre as plantacións de cultivos nas zonas de concentración parcelaria.
O rexidor local, Sindo Lamas, sinalou que varios veciños do concello están sendo sancionados pola Consellería con multas de ata 400 euros por sementar eucaliptos nestas áreas. Lamas salienta que, en moitos casos, estos feitos obedecen a "un descoñecemento da normativa vixente" polo que, dende o Concello, queren que se organice un acto de carácter informativo no que os veciños sexan documentados sobre as "condicións necesarias para facer as plantacións". "Pensamos que é necesario que se clarifique a normativa para evitar que cheguen estas multas e tamén pedimos que se amplíe o prazo legal para que os interesados poidan adecuar os terreos".
