As persoas interesadas en mellorar as súas ferramentas informáticas e para navegar por Internet teñen unha oportunidade en Vilar de Santos. Ata o vindeiro 16 de agosto, na Aula Cemit deste municipio, celébrase a formación “Busca información na rede” , dirixida a todos os públicos.
Por outra banda, a partir do 17 deste mesmo mes e ata o vindeiro día 31, terá lugar o curso “Tips para unha compra segura en Internet”.
As formacións celebraranse todos os días entre as 16,30 horas e as 18,30 horas e, para poder participar, será necesario inscribirse na propia Aula Cemit -no número 77 da rúa de Celanova de Vilar de Santos- ou enviar un correo electrónico ao enderezo [email protected].
Trátase dunha programación que busca achegar o coñecemento das novas tecnoloxías a toda a poboación do rural.
