La Región

Agenda

MÚSICA

Un canto ás raíces da infancia

Tania Fuegho presenta esta noite un avance do seu próximo disco, "Rinquilinterna", un traballo no que explora o seu lado máis íntimo e persoal

A artista Tania Fuegho actúa esta noite na Arca da Noe, en Vilar de Santos.
A artista Tania Fuegho actúa esta noite na Arca da Noe, en Vilar de Santos.
Un canto ás raíces da infancia

A artista mazaricana Tania Fuegho visita esta noite a Arca da Noe para presentar o seu novo disco, "Rinquilinterna". "Trátase dun pequeno avance no que darei a coñecer o capítulo un do disco, que se estrea a finais de ano", explica a cantante. 

Esta iniciativa xurde como unha mostra de agradecemento ao apoio do seu público e coa que terán acceso en primicia "ao contido íntegro do disco". 

En "Rinquilinterna", Tania Fuegho explora a súa versatilidade musical, pasando dende cancións íntimas a temas máis rockeiros. Un traballo no que as raíces da compositora teñen un peso esencial e no que todas as cancións xiran en torno ás súas propias vivencias. Tanto o disco como a actuación consta de tres partes, "unha primeira acústica, protagonizada unicamente polos acordes da guitarra e a voz, unha segunda con bases lights de percusión e xa unha terceira eléctrica, estilo 'Fuegho'", sinala a intérprete.

"Rinquilinterna", o nome que lle da título ao seu novo disco, é un vocablo da zona de Mazaricos que se refire á "teimudez". Era unha palabra que me dicía a miúdo miña bisavoa cada vez que me vía cantando e que ten moito significado para min, ten moito das miñas raíces".

Tania Fuegho afronta esta nova etapa como un dobre reto no que quere superar as etiquetas predispostas: "Por unha parte, quero explorar novos rexistros e superar os estilos máis cañeros". Ademais, Tania aposta por deixar de lado a súa traxectoria televisiva para mostrar a súa faceta de cantante, "que é o que eu son". Un proxecto que simila aos "comezos dende cero pero coa seguridade que da crer na rigurosidade e na profesionalidade deste traballo". 

Lugar: A Arca da Noe 

Hora: 22,00