As aeronaves non tripuladas únense así ao operativo coordinado pola Garda Civil, no que tamén participan a Policía Local e Protección Civil de Allariz
A unidade operativa de drones da Axega (axencia galega de emerxencias) participa desde esta tarde no dispositivo de procura dun home de 90 anos desaparecido a pasada noite en Allariz.
As aeronaves non tripuladas únense así ao operativo coordinado pola Garda Civil, no que tamén participan a Policía Local e Protección Civil de Allariz.
O 112 Galicia tivo constancia da desaparición do home ás 10,45 horas da mañá deste sábado, a través do aviso dos membros de Protección Civil. Segundo indicaban, o home fora visto por última vez no seu domicilio ás 06,00 horas, na rúa de Vilanova.
Tamén colaboran na procura varios veciños e piragüistas polo río.