Os feitos producíronse as 04,30 horas da madrugada cando colidiron dous vehículos
O 112 Galicia informou dun accidente de tráfico ás 04,30 horas, neste caso, unha colisión entre dous coches na estrada que une Maceda e Tioira, en Ourense.
Segundo relataron desde o servizo de emerxencias, foi necesaria a intervención dos membros do GES de Maceda para liberar a un dos ocupantes dos vehículos sinistrados.
Após ser avisados por un particular, os xestores do CIAE-112 Galicia pasaron aviso aos profesionais sanitarios, aos Bombeiros de San Cibrao e ao GES de Maceda. Unha vez liberada, a persona afectada puido ser trasladada polos sanitarios ao hospital.
Ademais, desde o 112 púxose a situación en coñecemento dos axentes da Garda Civil de Tráfico e de Protección Civil da localidade.
