En referencia a análise das últimas votacións ó Parlamento Europeo publicado neste xornal, o martes 9 de xuño, agradecería que me permitisen facer unha reflexión como militante socialista nese concello.
Nesta análise expoñen os mellores e peores resultados na provincia por concellos, colocando como un dos mellores o ascenso do BNG na Bola (43,29%) e dos peores o PSOE (11,67%). Recordemos as do ano 94, onde o PSOE obtivo un 12% e nas do 99, un 12,45%. Non negando a evidencia, pero analizando os resultados, si se extrapolasen a unhas municipais (xa que vostedes se referían a concellos) estaríamos na paradoxa que no momento de auxe que se lle otorga o BNG na Bola, este perdería a súa maioría absoluta da que disfruta actualmente, con un PP, que aínda que non logra recuperarse en votos (motivado esto, por a escisión que lle produciu a actual rexedora do BNG, antes militante no PP) si consegue un empate a concelleiros, e é a onde o que vostedes colocan como peores resultados do PSOE en A Bola, tornarían a colocar este partido como a chave para gobernabilidade dese concello, cousa que eu recorde nunca habría estado o seu alcance.
A sabendas que nunhas municipais os resultados non serían os mesmos, o único que quería por sobre a mesa, e facer ver que moitas veces, o peor resultado nunhas eleccións, si se dan as circunstancias adecuadas, poden chegar a resultar ser os mellores resultados para participar activamente nun goberno. Por outro lado, que se gañen un tipo de eleccións, non significa precisamente que se teñan gañadas as seguintes.