José Luis Rodríguez Álvarez: “O uso de drons fai as intervencións máis seguras e eficaces"

Os Bombeiros da Mancomunidade Terra de Celanova incorporaron fai un par de anos unha unidade non tripulada (dron) que, unido a unha ampla variedade de accesorios que permiten voos nocturnos, medir as temperaturas ou seguir as imaxes en tempo real, está a facilitar as diferentes operacións de emerxencia que se producen na bisbarra de Celanova. José Luis Rodríguez, xefe do servizo e con máis de 14 anos de experiencia na profesión, resume os beneficios dos drons na procura de persoas desaparecidas. Por que se decidiu incorporar un dron aos dispositivos de emerxencias? O principal motivo é a minimización de riscos nas intervencións e o apoio en todo momento aos servizos de emerxencias para unha labor máis segura e eficaz. Que beneficios ten o uso dos drons nos distintos operativos? Ademáis dunha labor máis segura e máis eficaz, aportan unha visión global da intervención en tempo real axudando na toma de decisións, permite chegar a zonas de difícil acceso rápidamente sen necesidade de poñer en risco ao personal, podendo incluso levar material e, ao mesmo tempo, ter comunicación con esa persoa. É unha ferramenta que está evolucionando continuamente e que cada vez aporta máis utilidades e permite facer operacións con maior seguridade para os intervintes. Cal é o tipo de emerxencia na que máis se utiliza o dron? Na búsqueda de persoas desaparecidas. Nos tres anos utilizouse un total de 15 veces, seis no último ano. E, no que va de 2021, xa o utilizamos unha vez no concello de Celanova. Como se organiza un operativo co apoio dunha unidade non tripulada? No caso da búsqueda de persoas desaparecidas o operativo é coordinado pola Garda Civil, eles son os encargados de xestionar e organizar todos os medios e recursos para que a búsqueda sexa o máis eficaz e productiva posible. A nosa función é a de apoiar e axudar, poñendo á disposición da intervención todo o noso capital material e humano. Úsanse o dron cada vez que desaparece unha persoa? Sempre que nos autorice o xefe da intervención, que as condicións meterolóxicas e a zona de intervención sexan as adecuadas para realizar o vó con seguridade. Cal é a vosa a portación? Contamos con material para poder traballar de forma autónoma, podendo aportar ao xefe da intervención imaxes en tempo real ao mesmo tempo que a cámara térmica permite detectar, dende moita distancia, as persoas e rastrexar grandes zonas nun curto periodo de tempo. Nestes casos é moi importante a rápida movilización do equipo de drons, esta farase por medio da Garda Civil, do presidente da Mancomunidade Terra de Celanova ou do 112. Cal é a porcentaxe de éxito destes operativos? A búsqueda de persoas é cada vez máis complexa. A despoboación do rural, unida ao envellecemento dos habitantes destes núcleos e os camiños e montes descoidados fan que cada vez se existan máis casos e que presenten máis dificultades. O porcentaxe de éxito depende moito da rapidez coa que se dé o aviso da desaparición e a maior información e documentación que se poida dar para poder facer unha búsqueda o máis precisa posible. A Garda Civil dispón Grupos Operativos especializados que, sumados aos Grupos de Drons, Bombeiros, Grupos de Emerxencia Supramunicipal (GES) e Protección Civil, aportan o seu coñecemento e o seu esforzo para que o éxito do operativo sexa favorable na gran maioría dos casos. Algún consello? Para garantizar o éxito é de suma importancia a pronta chamada o 112 para informar da desaparición e responder con precisión as preguntas que se fagan para poder organizar a búsqueda. AS FRASES "Ata agora utilizouse un total de 15 veces, seis no último ano". "A nosa función é a de apoiar e axudar, poñendo á disposición da intervención todo o noso capital material e humano". "O porcentaxe de éxito depende moito da rapidez coa que se dé o aviso".