A Escola de Baile e Música Tradicional 'Rebulir' de Ramirás, en colaboración co Concello de Ramirás e o Centro de Cultura Popular Xaquín Lorenzo Fernández da Deputación de Ourense, convoca o 'III Concurso de Fotografía Antiga', co obxectivo de recuperar a memoria fotográfica do Concello de Ramirás e a súa comarca, fomentar a investigación, recolleita e indagación entre os participantes e servir de base para estudar os costumes, traxes, instrumentos ou oficios que eran tradicionais na zona.
Na pasada edición foron recollidas máis de 200 instantáneas que se refiren a múltiples momentos, dende momentos da labranza como a malla, a vendima ou a sega, ata as labores de cotío pasando como non polos intres de festa, romarías, encontros, celebracións. Os interesados en participar deberán presentar as fotografías antes do 31 de agosto.
