Axentes da Policía Autonómica en Lugo detiveron un home, veciño de Mondoñedo (Lugo), como presunto autor dun delito de receptación de obxectos de culto, que deu como resultado a recuperación de varias pezas de arte catalogadas no Patrimonio Artístico de Galicia e pertencentes a igrexas da Mariña luguesa.
A Policía Autonómica, despois de coñecer a desaparición de diferentes tallas e obxectos de culto, realizaron unha investigación en que foron interrogados os veciños e responsábeis das parroquias afectadas, informou a Xunta nun comunicado.
Estas pescudas deron como froito a recuperación dunha talla de madeira dun San Francisco do século XVIII, que desaparecera da igrexa de Rinlo, en Ribadeo. Ademais, os axentes tamén recuperaron unha campá de ferro fundido e varias pezas de madeira, das que se descoñecen as súas igrexas de procedencia.
Os obxectos recuperados están en depósito a disposición da autoridade xudicial e son parte dunha lista que facilitou o Bispado de Mondoñedo, en que constan obxectos que aínda continúan desaparecidos e outros que xa foron entregados ao Bispado.
Os obxectos desapareceron de varias igrexas da Mariña durante os anos 2010 e 2011, indícase no comunicado.
No referente á persoa detida, tramitouse o correspondente atestado policial que foi remitido ao Xulgado de Instrución número 1 de Mondoñedo.
A investigación continúa aberta, polo que non se descarta a recuperación de imaxes e obxectos de culto que continúan desaparecidos, así como que haxa novas detencións.
Estas pescudas deron como froito a recuperación dunha talla de madeira dun San Francisco do século XVIII, que desaparecera da igrexa de Rinlo, en Ribadeo. Ademais, os axentes tamén recuperaron unha campá de ferro fundido e varias pezas de madeira, das que se descoñecen as súas igrexas de procedencia.
Os obxectos recuperados están en depósito a disposición da autoridade xudicial e son parte dunha lista que facilitou o Bispado de Mondoñedo, en que constan obxectos que aínda continúan desaparecidos e outros que xa foron entregados ao Bispado.
Os obxectos desapareceron de varias igrexas da Mariña durante os anos 2010 e 2011, indícase no comunicado.
No referente á persoa detida, tramitouse o correspondente atestado policial que foi remitido ao Xulgado de Instrución número 1 de Mondoñedo.
A investigación continúa aberta, polo que non se descarta a recuperación de imaxes e obxectos de culto que continúan desaparecidos, así como que haxa novas detencións.
