Deporte en Ourense

O Campionato de España de Remo

photo_camera Competición de remo en Castrelo de Miño no ano 2012.

O sábado 27 de xaneiro celebrarase no Pavillón Municipal de Ribadavia o XVI Campionato de España de Remoergómetro, e ao día seguinte a cita é o VII Campionato de España de Fondo Trial de Inverno, no Parque Náutico de Castrelo de Miño

Este xoves presentouse no Centro Cultural "Marcos Valcárcel" os campionatos de España de Remo que se disputarán os días 27 e 28 de xaneiro en Ribadavia e Castrelo de Miño. Nestas actividades deportivas participarán 700 deportistas de 62 clubs de todo o país.

O sábado 27 de xaneiro celebrarase no Pavillón Municipal de Ribadavia o XVI Campionato de España de Remoergómetro, e ao día seguinte a cita é o VII Campionato de España de Fondo Trial de Inverno, no Parque Naútico de Castrelo de Miño. Ambos eventos comezan as 9.00 horas.

No acto de presentación participaron, entre outros, o presidente da Federación Galega de Remo, José Manuel Seijas, concelleiros de deportes dos dous concellos e os respectivos alcaldes.

Bernardino González, asesor de Deportes da Diputación, tamén estivo presente e declarou que estas actividades deportivas "contribúen a dar a coñecer as potencialidades que ofrece a nosa provincia".

Te puede interesar