A celebración da Carreira da Ponte, do circuíto popular Correndo por Ourense requirirá pechar á circulación de vehículos varias rúas do barrio pasado mañá, domingo, 25 de setembro, pola mañá. O dispositivo preparado pola Policía Local de Ourense prevé as seguintes medidas:
- · Desde as 8:00 horas estará prohibido circular no tramo Vicente Risco – Francisca Herrera en sentido de saída da cidade, para permitir a montaxe de infraestruturas.
- · Desde as 09:30 horas pecharase o resto do circuíto quedando prohibido o acceso a Ribeira de Canedo, Ribeiriño, Basilio Álvarez, Avenida das Caldas, tramo inferior da Avenida de Santiago e todas as rúas comprendidas no seu interior.
O dispositivo de tráfico prevé tamén que:
- · As entradas e saídas das estacións de autobuses e ferrocarril estarán libres en todo momento.
- · Os vehículos que circulen por Avenida de Santiago en sentido descendente á altura de Rei Souto serán desviados por este segundo viario.
- · Os vehículos que se incorporan por Ático Noguerol pódense incorporar en sentido ascendente á Avenida de Santiago.
Ademais, desde o venres, ás 21:00 horas estará prohibido estacionar na rúa Francisca Herrera, onde se reservou espazo para a montaxe de zona de cronometraxe, asistencias e emerxencias.
A carreira, que organiza o Consello Municipal de Deportes do Concello de Ourense ten a saída ás 11,00h (categorías Pitufos), 11,05h (Benxamín, Alevín), 11,15h (Infantil e Cadete) e 11,30h (Xuvenil, Júnior, Promesa, Senior e Máster). O percorrido está formado por Francisca Herrera (12 de Outubro), Avda. de Santiago, Basilio Álvarez (ida e volta), Avda. As Caldas, J. Antonio Moretón, Ribeiriño, Avda. Caldas, Mercado, Rosalía de Castro, Vicente Risco (ata a rotonda e volta ata a meta).