Inditex, Repsol e Enagás son as únicos valores españois nos que Citi recomenda decididamente inverter en 2012, segundo o informe 'European Equities: Decoding the Downside' realizado pola entidade estadounidense, que analiza os principais sectores do mercado.
Destas tres empresas, pola que máis claramente aposta Citi é por Inditex, á que dá un prezo obxectivo por acción de 74 euros, fronte aos 57 aos que cotiza na actualidade. Segundo a empresa financeira, a compañía galega ofrece aos investidores a posibilidade de obter 'importantes beneficios cun baixo ratio de endebedamento e un forte balance xeral'.
Noutro estudio do banco, titulado 'Research Best Ideas Update', a entidade tamén inclúe a Inditex entre os seus valores preferidos para os próximos tres meses e sinala que a sinatura manterá os seus índices por un longo período de tempo, 'o que lle achegará un potente crecemento internacional'.
Non obstante, Citi tamén menciona os riscos aos que se enfronta a compañía fundada por Amancio Ortega, entre os que destaca o feito de que a actividade do grupo vai ligada ao gasto dos consumidores, 'que é un factor moi volátil'.
En canto a Repsol, o informe inclúea dentro das petroleiras que considera que poden experimentar un crecemento sostible, 'mesmo nun escenario débil'.
Pola súa banda, Enagás está encadrada dentro das compañías do sector enerxético ('utilities') nas que a entidade americana recomenda inverter, un sector o maior factor de risco do cal é o político, 'xa que os gobernos o adoitan utilizar como fonte de recursos cos que encher o seu burato fiscal', sinala Citi.
Noutro estudio do banco, titulado 'Research Best Ideas Update', a entidade tamén inclúe a Inditex entre os seus valores preferidos para os próximos tres meses e sinala que a sinatura manterá os seus índices por un longo período de tempo, 'o que lle achegará un potente crecemento internacional'.
Non obstante, Citi tamén menciona os riscos aos que se enfronta a compañía fundada por Amancio Ortega, entre os que destaca o feito de que a actividade do grupo vai ligada ao gasto dos consumidores, 'que é un factor moi volátil'.
En canto a Repsol, o informe inclúea dentro das petroleiras que considera que poden experimentar un crecemento sostible, 'mesmo nun escenario débil'.
Pola súa banda, Enagás está encadrada dentro das compañías do sector enerxético ('utilities') nas que a entidade americana recomenda inverter, un sector o maior factor de risco do cal é o político, 'xa que os gobernos o adoitan utilizar como fonte de recursos cos que encher o seu burato fiscal', sinala Citi.
