Os traballadores de Pescanova manteñen 'a día de hoxe' as súas condicións salariais e laborais, malia o anuncio da multinacional pesqueira de solicitar a declaración de concurso de acredores, aínda que admitiron que non saben 'que pasará mañá'.
En declaracións ós medios, fontes sindicais sinalaron que seguen á espera de que a dirección da empresa os convoque a unha reunión para coñecer con detalle a situación de Pescanova, así como as consecuencias que poidan ter os seus problemas de liquidez para o equipo ou para a actividade das factorías do grupo.
En calquera caso, afirmaron que as comunicacións recibidas por parte da empresa inciden na vontade desta de non tomar medidas dramáticas con respecto ao persoal, como rebaixas ou conxelación de soldos, expedientes de regulación ou algún tipo de baixas voluntarias incentivadas.
O que si se está a producir, segundo estas mesmas fontes, é traslados de traballadores dunha empresa a outra do grupo, uns movementos que están considerados no convenio e que permiten eses traslados dentro da mesma provincia, 'respectando a antigüidade e todas as condicións laborais' do empregado.
Pola contra, a CIG -que ten representación minoritaria nos comités de empresa- denunciou que si se formulou aos traballadores unha diminución ou conxelación de salarios, despois de que, segundo este sindicato, os directivos de Pescanova se subisen as súas retribucións nun 15 por cento.
En calquera caso, afirmaron que as comunicacións recibidas por parte da empresa inciden na vontade desta de non tomar medidas dramáticas con respecto ao persoal, como rebaixas ou conxelación de soldos, expedientes de regulación ou algún tipo de baixas voluntarias incentivadas.
O que si se está a producir, segundo estas mesmas fontes, é traslados de traballadores dunha empresa a outra do grupo, uns movementos que están considerados no convenio e que permiten eses traslados dentro da mesma provincia, 'respectando a antigüidade e todas as condicións laborais' do empregado.
Pola contra, a CIG -que ten representación minoritaria nos comités de empresa- denunciou que si se formulou aos traballadores unha diminución ou conxelación de salarios, despois de que, segundo este sindicato, os directivos de Pescanova se subisen as súas retribucións nun 15 por cento.
