O dispositivo sanitario do 061 para o Xacobeo 2010 atendeu a 759 peregrinos entre abril e xuño, no marco do plan de asistencia articulado pola Consellería de Sanidade e cuxos puntos de atención na capital galega se sitúan no Monte do Gozo e a Casa do Deán, no casco histórico. O departamento que dirixe Pilar Farjas cifrou a media diaria de peregrinos atendidos polo 061 en oito. O maior número contabilizouse en xuño, mes que absorbeu o 60% de asistencias efectuadas. Das 759 persoas atendidas, foron 402 as que recibiron atención na Casa do Deán e 357 as que se achegaron ao punto do 061 no Monte do Gozo.
As persoas que acudiron a ámbolos dous puntos eran de todas as idades, nun 77% dos casos de orixe española, e nun 45% tiñan lesións na pel. Un 13% tiña problemas de mobilidade física.
Sanidade recordou que os peregrinos poden acudir á Casa do Deán de 10.00 a 14.00 horas e de 16.00 a 20.00, mentres que no Monte do Gozo préstase asistencia entre as 17.00 e as 20.30 horas. Tamén pode contactarse con Urxencias Sanitarias a través do 061 e do 902 400 11 as 24 horas do día.
Sanidade recordou que os peregrinos poden acudir á Casa do Deán de 10.00 a 14.00 horas e de 16.00 a 20.00, mentres que no Monte do Gozo préstase asistencia entre as 17.00 e as 20.30 horas. Tamén pode contactarse con Urxencias Sanitarias a través do 061 e do 902 400 11 as 24 horas do día.
