O litoral da provincia da Coruña permanecerá hoxe en alerta vermella por ondas que superarán os sete metros de altura, unha alerta que será laranxa en Pontevedra e Lugo, provincia en cuxo interior, xunto ao de Ourense, permanecerá en nivel amarelo por neve.
Así mesmo, os ceos estarán cubertos e haberá chuvias xeneralizadas en toda Galicia, onde a cota de neve se situará sobre os 1.200 metros, temperaturas en descenso e ventos do oeste moderados en xeral, informou o Meteogalicia.
Os principais indicadores das temperaturas para hoxe son os seguintes:
A Coruña 11° 13°, Cuntis 8° 11°, Ferrol 10° 13°, Fisterra 11° 13°, Lalín 4° 10°, Lugo 5° 11°, Monforte 5° 11°, O Barco 5° 11°, Ortigueira 11° 13°, Ourense 7° 13°, Pedrafita 1° 4°, Pontevedra 10° 13°, Ribadeo 10° 13°, Santiago 7° 11°, Verín 4° 12°, Vigo 10° 13°, Vilagarcía 10° 13°, Viveiro 10° 13°.
Predición marítima:
Costa Cantábrica: Vento do oeste, forza 6 a 8 pola mañá a 6 a 7 pola tarde; mar de vaga; visibilidade mala; mar de fondo do noroeste, con ondas de 4 a 6 metros pola mañá a 6 a 7 metros pola tarde.
Ártabro e Bares: Vento do oeste, forza 6 a 8 pola mañá a 6 a 7 pola tarde; mar de vaga; visibilidade mala; mar de fondo do noroeste, con ondas de 5 a 8 metros pola mañá a 7 a 8 metros pola tarde.
Costa da Morte: Vento do oeste, forza 6 a 8 pola mañá a 6 a 7 pola tarde.
Rías Baixas: Vento do oeste, forza 5 a 6 pola mañá a 6 a 7 pola tarde; de forte marusía a mar de vaga; visibilidade mala; mar de fondo do noroeste, con ondas de 4 a 6 metros pola mañá a 6 a 7 metros pola tarde.
