O turismo tiña a parte dianteira suspendida cando veciños da zona deron a voz de alarma aos servizos de Emerxencias.
| Veciños da localidade pontevedresa de Cotobade localizaron a primeira hora deste xoves un home, aparentemente durmindo, no interior dun vehículo inestable ao bordo dun barranco. Segundo informou a Central de Atención a Emerxencias 112-Galicia, foron uns veciños que paseaban en torno ás 8,30 horas pola estrada que une Tenorio e Vilanova os que viron o coche e, tras decatarse de que había un home no seu interior, lle axudaron a saír. Non obstante, alertaron o 112 indicando que o vehículo corría o "risco de caer polo barranco". Por iso, ata o lugar desprazáronse os Bombeiros de Pontevedra e a Garda Civil, que tratarán de retirar o vehículo cunha grúa. Persoal sanitario do 061 asiste o home para comprobar se ten algún problema de saúde. |
