A Fiscalía pide penas que oscilan entre os catro e seis anos de cárcere e multas de ata 1,5 millóns de euros
Un matrimonio arousano e os seus pais serán xulgados a próxima semana pola Sección cuarta da Audiencia provincial de Pontevedra, que reservou sala para os días 18, 19 20 e 21 de outubro.
Os feitos polos que se lles xulgan parten da denominada 'Operación Porto', levada a cabo na provincia de Pontevedra no verán do ano de 2004. Neste marco, a Garda Civil detivo oito persoas, aos que se lles imputaban varios delitos de branqueo de capitais.
Esta operación iniciouse a raíz da incautación de 21 quilos de cocaína nun chalé da localidade de Vilanova de Arousa (Pontevedra). Así mesmo, foron intervidos outros efectos valorados en 800.000 euros. Investigacións posteriores permitiron descubrir que se trataba dunha organización dedicada a branquexar o diñeiro procedente do narcotráfico.
Segundo a Garda Civil, para branquexar o diñeiro invertían no sector da construción, compravenda de moeda estranxeira, adquisición de billetes de lotaría premiados, compra de vehículos e embarcacións.
Na operación foron intervidos cinco inmobles, tres vehículos, unha colección de reloxos de luxo, xoias, diñeiro en efectivo e varias embarcacións.
SEIS FAMILIARES
A Audiencia xulga agora seis membros desta mesma familia de Vilanova de Arousa, aos que se lles imputan varios delitos de branqueo de capitais trátase do matrimonio constituído por Carlos R.D., alcume 'Cotexo', e Marta G.C., e os seus respectivos pais residentes en Vilanova e en Cambados, así como un irmán.
A Fiscalía solicita para 'Cotexo' unha pena de seis anos de prisión por branqueo de capitais, e unha multa de 1,5 millóns de euros. Ademais, pide outros dous anos de cárcere por falsidade en documento oficial. Solicítase a mesma pena e polos mesmos delitos para a súa esposa Marta G.C., aínda que rebaixa a multa a 1,2 millóns de euros.
Para cada un dos pais dos dous acusados e o irmán do 'Cotexo', a Fiscalía pide catro anos de prisión oscilando as multas entre os 180.000 e 40.000 euros para cada un.
Os feitos polos que se lles xulgan parten da denominada 'Operación Porto', levada a cabo na provincia de Pontevedra no verán do ano de 2004. Neste marco, a Garda Civil detivo oito persoas, aos que se lles imputaban varios delitos de branqueo de capitais.
Esta operación iniciouse a raíz da incautación de 21 quilos de cocaína nun chalé da localidade de Vilanova de Arousa (Pontevedra). Así mesmo, foron intervidos outros efectos valorados en 800.000 euros. Investigacións posteriores permitiron descubrir que se trataba dunha organización dedicada a branquexar o diñeiro procedente do narcotráfico.
Segundo a Garda Civil, para branquexar o diñeiro invertían no sector da construción, compravenda de moeda estranxeira, adquisición de billetes de lotaría premiados, compra de vehículos e embarcacións.
Na operación foron intervidos cinco inmobles, tres vehículos, unha colección de reloxos de luxo, xoias, diñeiro en efectivo e varias embarcacións.
SEIS FAMILIARES
A Audiencia xulga agora seis membros desta mesma familia de Vilanova de Arousa, aos que se lles imputan varios delitos de branqueo de capitais trátase do matrimonio constituído por Carlos R.D., alcume 'Cotexo', e Marta G.C., e os seus respectivos pais residentes en Vilanova e en Cambados, así como un irmán.
A Fiscalía solicita para 'Cotexo' unha pena de seis anos de prisión por branqueo de capitais, e unha multa de 1,5 millóns de euros. Ademais, pide outros dous anos de cárcere por falsidade en documento oficial. Solicítase a mesma pena e polos mesmos delitos para a súa esposa Marta G.C., aínda que rebaixa a multa a 1,2 millóns de euros.
Para cada un dos pais dos dous acusados e o irmán do 'Cotexo', a Fiscalía pide catro anos de prisión oscilando as multas entre os 180.000 e 40.000 euros para cada un.
