A 'Operación Balluta' desarticulou unha organización crimininal "moi violenta" que operaba a nivel nacional dende Marín
A Garda Civil detivo cinco persoas que pertencían a unha banda criminal asentada en Galicia que actuaba "a nivel nacional e internacional" acusados do "asasinato por encargo" dun cidadán marroquí en El Coronil (Sevilla) o pasado mes de abril, nunha operación desenvolvida en Pontevedra e Sevilla.
Os feitos aconteceron o 27 de abril de 2015, cando compoñentes desta organización se desprazaron ata a localidade hispalense coa intención de realizar unha 'sirla' de droga --termo policial que se refire ao roubo entre traficantes--, segundo informa a Garda Civil nun comunicado.
As forzas da orde deron por desarticulada esta organización criminal, cualificada como "moi violenta", que tiña como base de operacións a localidade pontevedresa de Marín e dedicábase ao tráfico de drogas e roubos con violencia.
A operación 'Balluta' iniciouse tras o homicido de El Coronil, coa detencion de dous pasaxeiros de orixe marroquí, un deles cunha ferida grave de bala no colo, que presuntamente trataban de fuxir tras os feitos nun autobús en Alcalá de Guadaíra con ruta El Coronil-Sevilla.
A Benemérita sostén que estes dous primeiros detidos se desprazaran días antes dende Marrocos a España portando unha importante cantidade de droga.
Así mesmo, a Benemérita identificou e situou no lugar dos feitos cada unha das persoas que realizaron o encargo do roubo da droga e orquestrou o encontro entre ambas as dúas organizacións.
DETENCIÓNS EN MARÍN
O día 10 de xuño en Marín (Pontevedra), compoñentes de Policía Xudicial de Sevilla e Pontevedra, apoiados pola Unidade Especial de Intervención, Servizo Cinológico e outras unidades da Comandancia de Pontevedra, arrestaron a un dos presuntos autores materiais do homicidio do cidadán marroquí, levando a cabo un rexistro exhaustivo no seu domicilio.
Poucos días despois foi detido na provincia de Sevilla o presunto autor intelectual, do que a Garda Civil destaca a dificultade para proceder á súa detención, pois o mesmo se ocultara dende o momento do homicidio en distintas provincias españolas.
Continuando coa investigación, compoñentes de Policía Xudicial de Sevilla e Pontevedra identificaron, ademais, un individuo español como último dos presuntos integrantes da organización que supostamente participou no homicidio en Marín (Pontevedra) o pasado 4 de agosto.
O Xulgado de Instrución número 4 de Utrera fixo decretado o ingreso en prisión provisional de todos as persoas presuntamente implicadas no homicidio e que responden ás iniciais A.S., H.F., N.B., R.B. e J.B.V., desarticulando unha organización criminal "moi violenta" que operaba a nivel nacional e internacional.
