Axentes da Policía Local de Vigo detiveron este luns a dous mozos de 24 e 26 anos de idade, ambos os dous veciños de Gondomar (Pontevedra) polo suposto roubo dun vehículo en Nigrán, un turismo co que sufriron un accidente cando fuxían das forzas de seguridade.
Segundo informa a Policía Local, sobre a 1.00 hora deste luns, axentes que prestaban servizo na Praza de España recibiron un comunicado no que a Policía de Nigrán informaba de que pouco antes se producira a subtracción dun Opel Astra do interior dun terreo do municipio e que posiblemente ese vehículo se dirixía cara a Vigo.
Minutos despois de recibir o aviso, os axentes viron o vehículo circulando pola Praza de España con dúas persoas no seu interior. Ante esta situación, a patrulla activou os sinais acústicos e luminosos e deu indicacións ao condutor para que parase.
Non obstante, este ignorou as ordes e seguiu a marcha polas rúas Couto, Marqués de Alcedo e Travesía de Marqués de Alcedo, circulando por esta última en dirección prohibida e chocando contra dous vehículos estacionados.
Tras a colisión, o condutor, un mozo de 24 anos e iniciais M.A.C., intentou fuxir a pé, se ben un dos policías o alcanzou. O individuo foi sometido a probas de alcoholemia e de detección de drogas tóxicas e deu positivo en ambos os dous casos. Ademais, esta persoa carece de carné de conducir, unha infracción penal que a Policía Local suma ás anteriores.
En canto ao acompañante, O.P.G., de 26 anos de idade, tamén intentou escapar, aínda que foi interceptado por outro axente a poucos metros de lugar do accidente.
Minutos despois de recibir o aviso, os axentes viron o vehículo circulando pola Praza de España con dúas persoas no seu interior. Ante esta situación, a patrulla activou os sinais acústicos e luminosos e deu indicacións ao condutor para que parase.
Non obstante, este ignorou as ordes e seguiu a marcha polas rúas Couto, Marqués de Alcedo e Travesía de Marqués de Alcedo, circulando por esta última en dirección prohibida e chocando contra dous vehículos estacionados.
Tras a colisión, o condutor, un mozo de 24 anos e iniciais M.A.C., intentou fuxir a pé, se ben un dos policías o alcanzou. O individuo foi sometido a probas de alcoholemia e de detección de drogas tóxicas e deu positivo en ambos os dous casos. Ademais, esta persoa carece de carné de conducir, unha infracción penal que a Policía Local suma ás anteriores.
En canto ao acompañante, O.P.G., de 26 anos de idade, tamén intentou escapar, aínda que foi interceptado por outro axente a poucos metros de lugar do accidente.
