A OU-0704 ao seu paso por Cabeza de Manzaneda e a N-525 na Mezquita son os dous puntos na provincia de Ourense no que a DXT informou do estado perigoso do firme
As estradas galegas van recuperando a normalidade durante a xornada deste sábado despois das nevadas e a saraiba caída este venres santo sobre a comunidade.
De acordo coa información da Dirección Xeral de Tráfico (DXT), nestes momentos hai catro viarios afectados por neve: a LU-633 en Pedrafita do Cebreiro (Lugo), a autovía A-6 tamén ao seu paso por Pedrafita, a OU-0704 ao seu paso por Cabeza de Manzaneda (Ourense) e a N-525 na Mezquita (Ourense).
En concreto, a DXT recomenda precaución na LU-633 desde o quilómetro 0 en Pedrafita até o 20 en Triacastela, en ambos os sentidos. Prohibe a circulación para camións e vehículos articulados.
A circulación está condicionada pola neve tamén en Pedrafita na autovía A-6, á altura de Vega de Valcarce (León) desde o quilómetro 419 ao 438 en ambos os sentidos.
O mesmo ocorre na OU-0704 en Manzaneda desde o quilómetro 6 ao 10, e na nacional N-525 desde o quilómetro 115 na Mezquita ao 139 na Gudiña, en ambos os sentidos cara a Benavente e Santiago, por pavimento deslizante.
Meteogalicia prevé momentos de sol, alternando con outros de choiva restrinxidos no terzo norte para a xornada deste sábado de Semana Santa.
